Тұрсын Жұртбайдың жаңа кітаптары шықты
Ұстазымыз Тұрсын Жұртбайдың су жаңа төрт кітабы жарық көрді. Бұл баспамыздың қаламгер атаның мерейтойына сый-тартуымыз.
Биыл ұстазымыз Тұрсын Құдакелдіұлы Жұртбайдың 75 жасқа толуына орай арнайы төрт кітабы жарық көрді. Бұл кітаптар баспамыздың "Тұрсын Жұртбай әлемі" сериясының алғашқы кітаптары.
Біріншісі - "Ұлт ақыны" кітабы. Бұл шығарма ұлтымыздың кемеңгер ақыны Мағжанға арналған.
Одан кейін жазушының "Өлгендермен өмір сүрем" атты үш томдық естелік кітабы басылып шықты. Бірінші кітабы - Бауырына басқандар, екінші кітабы - Бауыр бастым, үшінші кітабы - Етбауырларым деп аталады.
Жақында ғана 1-ші дәрежелі Барыс орденімен марапатталған қаламгер Тұрсын Құдакелдіұлын жаңа кітаптарының жарық көруімен құттықтай отырып, авторға ұзақ ғұмыр мен шығармашылық табыс тілейміз!